博客Queenie:為何你還未練出S身形?想Stay Fit就要走出Comfort Zone

Queenie Wong | 2018-08-10

坦白講,我本人對做gym向來有糾結心理:「年紀不輕的我,平日少做運動,選擇做gym這樣辛苦的workout,真的適合我嗎?不用做數分鐘training,好可能有機會弄傷腰骨。不如投入靜態運動是否更佳?」

Image description 我個人對做gym有糾結心理。聽左Donald 講完大道理,對運動認識加深不少。

再講,去健身房做gym是一件非常沉悶乏味的事情,時間好似過得特別慢。例如一個簡單動作深蹲,重複做、趣味性低,教人難以堅持下去。當提到捲腹及做核心肌肉鍛練,痛苦到我做幾下就面紅氣踹。而眼見自己「投資」多年時間都做不出成績來,最後我選擇give up。

Image description Donald平日教做gym,先了解客人身體狀況,制定合適programme,不會操之過急。

最近,我認識了一位資深健身教練Donald [email protected] FITT PUB。最特別地方,Donald不是同我講減肥同埋可以瘦幾多kg,反而是不斷重複及苦口婆心講:一定要先建立好運動正面心態及訂立明確目標,聽罷後我發現自己所知道的未夠深入,於是又開始激發我去想:不如俾多次機會試下做gym。

首先,有正確運動觀好重要:因為當期望和成效不成比例時,你根本沒有動力做下去。Donald強調,不要單純以體重數字來定義修身成功與否。做gym其實不能局部瘦身而是整體性作出改善:即是持恆地運動,可以幫你提升肌肉量,並且提升新陳代謝,令你重回正軌,達到身心強健,這才是有效及安全減肥方法。之後,通過針對性鍛練及toning,要擁有S身形指日可待。

Image description 每個動作看似好難,其實,當你用心去鍛練一定有成果。

原來,不少40歲至50歲人士均是Donald的客人。由於客人年紀不輕,身體機能自然下降不如從前,例如有膝蓋關節疼痛等。要令他們衝破心理障礙,昂然踏出做gym第一步來得不易。Donald認為,做重要是給予鼓勵和信心。「不論任何年紀,其實身體肌肉鍛練都需要。有強健體能才可support你有更開心自如的生活。通常,每個人都會安於自己comfort zone。可能,你會認為深蹲及捲腹好難,做不到幾下就自動放棄。其實,只要你願意嘗試,自然能夠達到好成續來。當然,作為專業教練的我,最大責任就是詳細評估客人實際身體狀況,然後按步就班,陪同佢地慢慢完成每個task。一切都以安全及不傷害身體為大前提。」

Image description 我認為每個人都會安於自己comfort zone。不去嘗試踏出第一步,就沒有成功的可能。

Donald分享:在他的clients當中成功例子確實不少。尤其是能夠感染到佢地投入運動樂趣,培養成為生活習慣時,比起單純看數字瘦身來定義成功,stay fit更是值得我們深思考慮的核心價值吧。

朋友們,我們一起加油,走出自己的comfort zone!為stay fit加把勁!