人人有對跑鞋Zoku Runner

2017-03-03

Image description Reebok Zoku Runner以日文讀音ZOKU命名,漢字既可寫為「族」,亦可譯為「続」,係,用語係屬「潮系」啦。

跑馬拉松早已變成時尚之事,每年一到2月,特別是跟所謂潮人之聚,總是群起聊長跑。總之唔跑就唔正常,弄得大家就算不太跑步,最少也要有個跑步look見人。而跑步look這一環,最講究的莫過於對跑步鞋矣。以為我在談跑鞋功能嘛,錯晒!我深信基本上大部份跑步鞋在緩震功能上都能達到基本要求,想談的是「人着我唔着」的精神,即是話,要uniqueness,咪跟風大家都着「一剔」或「三間」,再唔係就大「大N」咁,悶囉。

Image description 一看顏色設定,就知道是為street wear而設。

要uniqueness

Image description 現今的跑鞋,主功能的聚焦是時尚為主。你睇下呢張宣傳照,邊忽喚起你跑步的本能?

其實,Reebok曾幾何時都威過的,雖然被Adidas收購後有點回塘,但君不見一對Pump Fury經典波鞋足以起死回生,近日推出幾sharp醒的Zoku Runner,就深得我心,首先設計概念玩番最經典的Reebok Classic,將Reebok Classic經典箭頭標誌加入現代元素,此外Reebok Zoku Runner以日文讀音ZOKU命名,漢字既可寫為「族」,亦可譯為「続」,係,用語係屬「潮系」啦。 除了顛覆傳統的鞋身設計外,其織物用料不但輕盈及透氣,貼合足形的設計亦重新詮釋生活潮流意味!嗱,重點係,鞋色設計有全暗黑、烈紅、緋桃及藍錆色。一看而知,顏色設定擺明用作襯衫street wear為主,着住對Zoku Runner,唔通真係去跑馬拉松咩,咪玩啦。

Image description 最鍾意PR稿send過來時寫明「Reebok限量釋出全新鞋款系列<<ZOKU RUNNER>> 」,「限量釋出」一詞,睇到忍唔住笑咗。

文:韋斯