博客斌叔叔：我唔係天才，唯有用18年去磨一個冠軍

9年前，格林披治決賽擊敗奧蘇，生涯首奪職業賽冠軍，那一刻，佢嘅表情平靜得出奇。傅家俊講過：「我覺得勝利，是失敗之源。俗語有云：勝利衝昏......。因此，我會提醒自....」後面果幾句確係行左啲，但換個角度，從呢兩件事令我明白到，傅家俊自知，而更專注。

火箭講過，沉悶嘅賽事同球手係會趕客！佢唔係火箭，冇好勁嘅氣場(可別誤會，傅家俊與奧蘇對戰嘅往績並不一面倒，8 勝15負)，比賽過程中，比人嘅感覺總係不愠不火。只有在年前大師賽打出147時，才忍不住心中的情緒，強力地伸出臂彎去激勵自己。而奉亨特利和奧蘇兩位神人為偶像的朋友，更會覺得佢唔入流，在排名賽第1或第2圈輸波嘅話，留言區嘅花生即時一地都係，香港人批香港人當然毫不留情。Marco注定唔係球壇風頭躉，除咗往績，性格都係原因。

我唔否認，佢唔夠熱血，擊球力度陰柔，行為太低調，個樣又堅係悶！球風肯定好保守，實唔會好睇，咁又錯了。Marco被歸類為 prolific break-builder，原來佢係排位賽史上第六多一Que過百嘅球手，出道以來超過300 Que Century，足以證明Marco有頂級球手嘅進攻能力同短期穩定性。但係要贏一個世錦賽冠軍，技術因素裡面除咗Pot波準，還要有長時間集中力，手風不順時的Set波/救波能力。而Marco最弱就係擊球力量不夠強(令白波可控制的走動範圍較小)，而且長時間的集中力不夠，算你係種子球手，都要在兩星期內打過百盤波(2015冠軍 Binhams力戰咗123個frame)。

當然，我想睇到嘅唔係上面我講嘅Marco，我亦唔相信過去嘅表現就完全等於將來嘅表現（否則巴塞就唔會8強出局......而4強有曼城份）。我終於發現，內儉嘅佢唔係冇火，而係用火錬成專注之劍，真係推介大家上youtube看一看，今年世錦賽8強的最後一個Frame：

八強最後一節

關鍵時刻能夠放開手，多次打入重要Long Distance，以打開取勝之門，8強最後一Frame嘅表現，終於比我睇到佢有去問鼎冠軍嘅能力同信心(當然有嘅唔只佢)，好老實呢種感覺除咗當打嘅 Stephen Hendry會年年有(英國公開賽三連冠，世錦賽五連冠)，其他人唔會。雖然客觀D講，今年進到四強嘅球手中，丁俊輝和世界排名第一嘅 Mark Selby 都有比Marco更強嘅氣勢，而傅家俊自己好亦好清楚，前路難行，8強賽後訪問時，無論主持點樣大讚特讚佢嘅表現，佢只係話：「我今天並唔係胸有成竹」，「受壓又迷惘嗎」主持問，佢無否認，「係，眼前出現10年來再次打進4強嘅機會，令我唔係幾掌控到件事，最後一Frame嘅清袋係神奇嘅，但我都知贏波有受幸運之神眷顧...，我要將今晚嘅勝利放低，4強嘅比賽強度只會更高，盡力打好每一Que，每一Frame，每一場」

相隔10年，再打入世錦賽4強，但係我知你知，終點唔係Running Up，而係 Win，你係時候衝破那個軀殼，在世錦賽的冠軍盃上刻上你嘅名字！